[Darstellung Größer 1 wählen.] [zum Inhalt (Taste Alt+8).] [zur Auswahl (Taste Alt+7).] (Taste Alt+6).

SPD OV Cadolzburg.

Brusela-Report :

Der Brusela-Report ist das kommunale politische Magazin der Cadolzburger SPD.
Der Brusela-Report erscheint 3x jährlich und wird kostenlos an alle Haushalte in Cadolzburg und seinen Außenorten verteilt.

 

Dä Hermann sacht... :

Allgemein

Am letzdn „Wiekänd“ hammä Besuch aus Amerika do ghabt. Natierli warn mer alle a weng aufgrechd, denn des passierd ja net alle Toch. Und mer überlechd dann scho amol, ob mer an Tiesch in aner fränggischen Wertschaft reserviern soll , odä liebä an „Mäc Dobbelburchä TS Big Fressmenü“ bei Mäc Donalds.

Obä bodenständich wie mir sin, hat Randy in Schäiffalä mit Kles beissn müssn und die Broadwerscht ham net blos ihm gschmeckt. Beschdärggd durch diesn Zuspruch hammä den Amerikonärn unsere fränggische Heimat zeichd. Närmberch und Fädd und dann sin mer rauswärds nach Sporch gfoahrn.
Nach der Schwodämühl hob ich dann zum Randy gsacht: „Do schau, dort is unsere Burch!“ Er sacht drauf „Where?“, wos so viel hassd wie „Wou denn?“ Draff soch ich: „Gleich übern NORMA-Schildla schauts nu a bisserla vur und über dem LIDL-Licht sichst unsern Aussichtsturm, den Bleistift. Und hindä dem neia 6-teilign Lichtämeer aff der linggn Seidn is dä Rest von Sporch.“
Und do hat mei Randy dann gerührt gschaud und durchgschnauft und gsacht: „ Wie bei uns dähamm. Mei home and mei Castle!“ odä so ähnlich. Und dann hammä daham nu a poar Seidli Ammerndorfä drunggn – su einfach kann Völkerverständigung sei.

 

- Zum Seitenanfang.